* بيقولك مرة شعب طلب حرية.. لبس حرية وعدالة.
* بصتله و عينيها بتدمع وقالتله: خلينا إخوان أحسن.
* في السنة اللي فيلم شارع الهرم حقق أعلى إيراد يومي في تاريخ السينما المصرية إخترنا حزب ديني عشان يحكمنا.
* اللي باعك في الميدان .. بكره يبيعك جوه البرلمان.
* الإخواني الحق هو الذي يثور ليركب الميدان ثم يهدأ ليأخذ البرلمان.
* الجمعة الجاية جمعة يلا نلحق نسكر.
* هذا وقد انقسم الشعب المصري إلى جماعتين، جماعة “التكفير والهجرة” و”جماعة التفكير في الهجرة”.
* يعني إيه البرلمان المصري؟ يعني كله يعيش الوهم و الإخوان ياخدوا المقاعد.
فيلم المرحلة القادمة:
* حسن.. و ربنا يهدي مرقص.
أخبار الفن:
* الفنان طلعت زكريا يعتذر عن فيلم “طباخ الريس” و يبدأ في الإستعداد لفيلم “سواق المرشد”.
* إضطراب في الوسط الفني بعد تغيير أسماء أفلام كريم عبد العزيز إلى “الحاج أبو على” و “واحد من الإخوان”.
*إيناس الدغيدى بعد إرتدائها النقاب تبدأ تصوير فيلم “مذكرات مؤمنة”.
* عمرو دياب في حفلته القادمة:
من كام سنة وأنا إخوان إخوان..
أنا أكتر واحد بيصلي..
كان عندك دقن..
و الأخت عاملة إيه دلوقت ومين هيقيم عليها الحد، قولولها لو فى صالحها، تتحجب وأصحالها...
ولسه بتحبه يا سلفى يا سلفى حرام عليك...
يا ريت لبسك يزيد مترين عشان لبسك كدا قصير..
عايز تسيب دقنك كدة سيبها وتعالى على نفسك وحددها.
* فيروز تغير كلمات أغنية البنت الشلبية لتصبح البنت السلفية.
ماذا بعد فوز الإسلاميين بالبرلمان؟
* تامر حسنى هايبطل غنا لأن صوت المرأة عورة.
* كل ما تيجي تعمل فولو لواحدة هتطلعلك رسالة تقولك: أترضاه لأختك؟
* محدش هيشرب سجاير، كله هايدخن بخور.
* خالد يوسف هيتجلد 60 جلدة على كل فيلم عمله.
* شباب 6 إبريل تغير إسمها إلى فتية السادس من ربيع الآخر.
* هيغيروا التفاحة اللي على آبل ويخلوها تمرة.
* بدل القطط والكلاب هنربى إبل.
* الشارع حارتين واحدة للسيدات وواحدة للرجالة.
الأخبار في المستقبل:
* إفتتحت اليوم ثلاثة من زوجات السيد الرئيس حفظهن الله فعاليات مهرجان التلاوه للجميع.
* إنخفاض حاد في أسهم شركة جيليت بالبورصة المصرية وأنباء عن نية الشركة بسحب إستثماراتها وماكينات حلاقتها في مصر.
* إقبال شديد من المواطنين في اليوم الثالث من الإنتخابات على طوابير الهجرة أمام سفارة كندا.
* اتحاد الكرة يعلن أنه تخلى عن العقد مع أديداس وسيكون الراعي الرسمي محلات التوحيد والنور
No comments:
Post a Comment